Imbutaktak ti Commission on Audit (COA) a nasurok nga 60% kadagiti benepisiario ti Pantawid Pamilya Pilipino Program (4Ps) ti nakaawat iti P147 million a payouts manipud 2020 agingga 2022 nupay saan a nailista iti Listahanan 2 database nga official registry ti programa.
Nadakamat ti audit ti sumagmamano a rason ti discrepancies, agraman dagiti pakarigatan a madanon dagiti adayo a komunidad, nagan ti discrepancies, ken beneficiary relocation.
Dagiti natakuatan ti COA ket kangrunaan dagiti pagkurangan ti program targeting system a mabalin a mangilaksid kadagiti deserving a pamilya.
Immanamong ti DSWD a mangtaming kadagitoy nga isyu babaen ti panangpalawa iti targeting system, panang-reassess kadagiti nailaksid manipud Listahan 2, ken panangsigurado nga amin a kualipikado a benepisiario ket mairaman kadagiti future updates.
