Imbutaktak ni Comelec Chairman George Garcia nga innem pay a senador iti immawat ti campaign donations manipod kadagiti contractor.
Segun ken ni Garcia, dagiti donor dagiti senador ket karaman kadagiti limapulo ket lima a contractors a nag-donate idi 2022 elections.
Nagkedked ni Garcia nga ibutaktak dagiti nagan dagiti nasao a senador bayat a mayur-uray ti resulta iti imbestigasyon iti COMELEC.
Inlawlawag ni Garcia a ti panag-donate kadagiti contractor kadagiti politiko ket saan nga otomatiko a panaglabsing ti linteg.
Numan pay nakalanad iti Omnibus Election Code a maiparit ti campaign donations manipod kadagiti personalidad nga adda kontratana wenno subcontracts iti gobierno ket saan a karaman dagiti private contractors.
Maipalagip a nagiruar ti COMELEC ti show-cause order ni Sen. Chiz Escudero kalpasan nga inamin ni Lawrence Lubiano a presidente iti Centerways Construction and Development Inc., a nag-donate isuna iti P30 million iti kampania ni Escudero ken kumpirmado nga adda kontrata iti kompaniana iti gobierno.
