Umabot iti limapulo ket uppat a Pilipino idiay Israel ti agkidkiddaw ti repatriation iti tengga ti agtultuloy a tension iti Middle East.
Segun ken ni Philippine Ambassador to Israel Aileen Mendiola, adda tallopulo ket dua a turista ken duapulo ket dua nga overseas Filipino workers ti kayat na nga agawid iti pagilian.
Segun ken ni Mendiola, agbalin daytoy a karit kadakuada no kasano a makaawid dagiti Pilipino gapu ta awan ti flights a rummuar ken sumrek idiay Israel, kasta met a nakaserra ti dadduma pay a land crossing.
Plano nga unaen ti ahensia dagiti turista a na-stranded gapu ta awan ti balay da idiay isu a makibin-binulig da iti Embahada iti Ministry of Tourism ti Israel tapno makaawid dagituy.
Kabayatanna, daytoy met ti makitkita a karit iti panangiyawid iti Pilipinas ti bangkay ti Pinay caregiver a ni Mary Ann de Vera a natay idiay Israel.
