Limapulo a porsiento a pamilia dagiti Pilipino iti nangibaga ti bagbagida a narigat, sangapulo ket dua a porsiento iti borderline wenno nagbaetan iti narigat ken saan, ken tallopulo ket walo iti nagkuna a saanda a narigat kas maibasar ti survey iti Social Weather Stations (SWS) a naisayangkat idi September 24 agingga 30.
Ti survey ket naisayangkat iti 1,500 adult respondents iti intero a pagilian.
Ti limapulo a porsiento a self-rated a kinarigat ket ngimmato iti maysa a puntos manipod iti uppat a pulo ket siam a porsiento idi Hunyo.
Kabayatanna, dagiti borderline a pamilia ket ngimmato manipod iti sangapulo a porsiento agingga sangapulo ket dua a porsiento, ken ti saan a marigrigat a pamilia ket bimmaba manipod uppat a pulo ket maysa a porsiento agingga tallopulo ket walo a porsiento.
Napansin ti SWS a ngimmato ti self-rated poverty idiay Metro Manila a tallopulo ket innem a porsiento agingga uppat a pulo ket tallo a porsiento ken Balance Luzon a tallopulo ket walo a porsiento agingga uppat a pulo ket dua a porsiento, bimmaba idiay Visayas ta manipod innem a pulo a porsiento ket nagbalin a limapulo ket uppat a porsiento, ken agtaltalinaed nga steady idiay Mindanao iti innem a pulo ket siam a porsiento.
