Dinadael ken inuram dagiti pannakabagi ti linteg ti 17,410 a piraso iti fully grown marijuana plants ken 16,540 a piraso iti marijuana seedlings a nadiskubre kadagiti lima a marijuana plantation iti nagbeddengan iti Barangay Licungan, Sugpon, Ilocos Sur ken Barangay Tacadang, Kibungan, Benguet idi September 19 agingga 23, 2025.
Ti nadiskubre iti umuna a marijuana plantation site ket 1,750 a marijuana seedlings nga aggatad iti PhP70,000.00; iti maikadua a site ket naala iti 4,200 a marijuana seedlings nga aggatad iti PhP168,000.00; iti maikatlo a site ket 8,500 a fully grown marijuana plants nga aggatad iti PhP1,700,000.00; iti maikatpat ket naala iti 3,000 a fully grown marijuana plants nga aggatad iti PhP600,000.00; ken iti maikalima a site ket naala iti 5,910 a fully grown marijuana plants ken ti 10,590 a marijuana seedlings nga aggatad iti PhP1,382,000.00.
Dagiti naala a marijuana plants ken seedlings ket pakabuklan nga aggatad iti PhP3,920,000.00.
Ti imbentaryo, evaluation, documentation ken pannakadadael dagiti marijuana ket immatangan ti Barangay Captain ken dadduma pay nga opisyal iti Barangay Licungan, Sugpon.
Kabayatanna, awan iti cultivator a nakemmeg bayat iti operasyon.
