Nagsagaba ti minor injuries ti nagmaneho iti traysikel kalpasan iti pannakaidungparna iti maysa nga MPV iti nationa highway idiay Barangay Caparian, Sta. Cruz, Ilocos Sur.
Ti Euro 125 motorized tricycle ket minaneho ti lalaki nga agtawen iti tallopulo ket dua, addaan ti driver’s license nga agnaed idiay Barangay Maria Cristina East, Bangar, La Union.
Ti met nagmaneho iti red Toyota Innova ket lalaki nga agtawen iti uppat a pulo ket maysa, addaan ti driver’s license nga agnaed idiay La-aw Camp 6, Tuba, Benguet.
Sakbay iti insidente ket agpapa-amianan a direksyon ti traysikel idinto nga adda iti bangir a direksyon ti MPV idin nadanonda iti nasao a lugar ket kellaat a naaddaan iti parikot iti side wheel iti tricycle a gappuanan iti saan a pannakakontrol ti manibela isu a naipan iti linya iti MPV ket nagdinnungparda.
Nadunor ti drayber iti traysikel idinto a saan a naan-ano ti nagmanehi iti MPV.
