Vigan City – Manarimaanen iti imbestigasyon ti Vigan City Police Station iti napasamak a panagtakaw idiay Ilocos Sur Provincial Hospital Gabriela Silang.
Ti pannaki uman ti Bombo Radyo Vigan kenni Chief of Hospital Dra. Trina Tabboga Talaga, tallo gasut tallo pulo a ribo a pisos iti natakaw a kwarta manipod ti Administration Building ti ospital iso a nangiwayat da a dagus iti imbestigasyon tapno maduktalan no siasinu iti nangala iti kwarta ti gobyerno.
Innayon ti doktor nga uppat agingga lima a tattao iti addaan iti tulbek iti pagbayadan ken maymaysa a tao ti akin iggem ti tulbek iti steel cabinet nga ayan iti kwarta a napukaw ken awan iti pakakitaan a pinursar a serreken ti opisina
Ti agdama maiururay laengen iti resulta ti imbestigasyon ti PNP ken mangisayangkat ti audit ti commission on audit ket kalpasan na mangipila danton iti kaso kontra iti suspect.
