Maysa a bisikleta ti natakaw manipud iti senior citizen iti Barangay Ayusan Norte, Vigan City.
Ti biktima ket lalaki nga agtawen iti pitopulo, agnaed iti nasao a lugar.
Ti met suspek ket lalaki nga agtawen iti sangapulo ket walo, agnaed iti Barangay Pantay Fatima.
Nag-report ti biktima iti Vigan City Police Station a natakaw ti bisikletana nga aggatad iti P20,000.
Segun iti biktima, nakabitin ti bisikleta iti balkon ti pagtaenganda iti alas singko iti malem idi April 24, 2026.
Pimmanaw a napan iti An-annam East, Bantay tapno umatendar iti bands competition ti putotna, sa nagawid iti alas dos iti parbangon.
Alas onse y media iti April 25, nakigtot ta saannan a makita ti bisikletana, isu a pinadasna pay a sinapul iti barangayda ngem saanna a nasapulan isu a nagpatulongen iti kapulisan.
Naisayangkat met ti area monitoring ket nasapulan ti bisikleta manipud iti kustodia ti suspek.
