Babai a nagtakaw iti Vigan City Public Market, nakemmeg

Nakemmeg ti maysa a babai a nagtakaw idiay Vigan City Public Market.

Ti suspek ket agtawen iti uppat a pulo ket dua, taga-Tondo, Manila idinto a ti biktima ket agtawen iti innem a pulo, taga-Barangay Sinabaan, Bantay.

Segun iti biktima, adda isuna iti puestona idin ta immasideg kenkuana dagiti indibidual a nagdamag iti lakona.

Nadlaw ti biktima a maysa kadagiti suspek ti adda iti sirok ti lamisaanna ngem saanna nga inkaskaso.

Idi makapanawen dagiti indibidual, nadlaw ti biktima nga iggemen ti suspek ti bag-na ken ikabkabilnan iti blue nga eco bag sa timmaray a nagpalaud a puon met ti pannakakemmegna.