--Ads--
Tallo a lalaki a nagsusugal ti nakemmeg iti anti-illegal gambling operation a naiwayat idiay Brgy. Tamag, Vigan City, Ilocos Sur.
Dagiti suspek ket agtawen ti duapulo ket walo, ken duapulo ket innem nga agpada nga agnaed idiay Brgy. Naguilian, Caoayan; ken maysa pay nga agtawen iti duapulo ket walo nga agnaed idiay Brgy. Pangada, Sta. Catalina.
Naala manipud kadagiti suspek ti 240 a piraso ti poker chips ken dagiti “dado” paraphernalia, a dua piraso a wooden box, maysa a kayo a lamisaan, ken pusta a Php 6,620.
Naipan iti Vigan City Police Station dagiti dado paraphernalias para ti pannakaidalanna iti husto a proseso.
-- ADVERTISEMENT --
Maipasango met dagiti suspek iti kaso a panaglabsing iti Presidential Decree 1602 wenno Anti-Illegal Gambling Act.
