Karaman dagiti Pilipino kadagiti nasurok 1,000 foreign nationals a pimmanaw idiay Myanmar kasaruno iti raid iti major online scam hub idiay Myawaddy nga asideg iti Thailand border kas kinumpirmaran ti Department of Foreign Affairs (DFA).
Nakaawat ti Philippine Embassy idiay Yangon iti 222 active request para ti rescue and repatriation assistance manipod kadagiti Filipino national.
Manipod iti nasao a bilang ket innem a pulo ket innem iti naireport a dimmalyasat idiay Thailand idinto a siam iti nagbiahe nga agturong idiay Yangon nga addan iti kustodiyada.
Segun ti DFA, makikamkammayet iti Embahada iti Myanmar authorities tapno leppasen ti deportation procedures para kadagiti adda iti holding camps ken tapno ma-rescue dagiti agtaltalinaed iti scam hub compounds.
Iti pakaammo ket nasurok 1,000 a foreigners iti pimmanaw iti KK Park a maysa a notorious scam center idiay Myawaddy.
Nainget iti pannakikammayet iti ahensya iti sitwasion kasaruno iti nakumpirmaran a reports iti operasion nga insayangkat ti law enforcement authorities idi October 20.
