--Ads--
Namnamaen ti Philippine Air Force (PAF) ti pannakaideliver ti duapulo ket dua a Black Hawk helicopters manipod Polish aerospace manufacturer PZL Mielec a mangrugi ita a tawen agingga 2026.
Segun ken ni PAF Spokesperson Col. Ma. Consuelo Castillo, ti personnel a madutokan nga agoperate iti sumangpet a Black Hawks ket maidalan ti intense training tapno masigurado a capable iti panagtayab ken panangmentenar.
Kinunana a nag-order da iti tallopulo ket dua a units a ti sangapulo ket naisangpeten.
Nagatang ti Philippine Air Force iti tallopulo ket dua a units iti Black Hawk manipod PZL Mielec, maysa a subsidiary iti American defense ken aerospace manufacturer Lockheed Martin.
-- ADVERTISEMENT --
Ti kontrata ket napirmaan idi February 2022 nga aggatad ti P32 billion.
