Agideploy ti Department of Health (DOH) ti nasurok-kumurang 200 nga health emergency responder’s para iti Traslacion ti Hesus Nazareno inton Enero 9.
Inlawlawag ni DOH spokesperson ken Assistant Secretary Albert Domingo a saan pay a pinal ti bilang a mai-deploy gapu ta mabalin pay a manayonan depende ti kasapulan ti operasion.
Naka-standby pay dagiti DOH ospital idiay Metro Manila tapno agawat ti pasiente bayat a maipatungpal ti “Code White Alert” kadagiti ospital ti siudad ken kabangibang a rehiyon.
Nagballaag ni Domingo kadagiti adda ti sakit na iti puso ken barukong, dagiti masikug, nataengan ken ubbing a liklikan dan a sumurot iti prusision.
Pakdaar pay ti ahensia dagiti deboto nga mangitugot da ti ID, danum, maintenance medicine, agisuot ti komportable a bado, ken liklikan ti panagitugot ti napapateg nga alikamen. Reynand Fontejon
