Dua ti nadunor iti napasamak nga aksidente iti national highway ti Barangay Rizal, Cabugao, Ilocos Sur.
Karaman iti aksidente ti maysa nga Isuzu closed van truck a minaneho ti lalaki nga agtawen iti tallopulo ket uppat, taga-Barangay Santo Rosario, Capas, Tarlac.
Kabayatanna, ti met Toyota Fortuner SUV ket minaneho ti lalaki nga agtawen iti duapulo ket uppat, taga-Barangay 48-A Cabungaan, Laoag City, Ilocos Norte.
Dagiti pasaherona ket pakairamanan ti babai nga agtawen iti duapulo ket uppat, taga-Barangay 45 Tangit Laoag City; babai nga agtawen iti sangapulo ket dua a taga-Barangay 47, Bengcag, Laoag City; ken uppat a sabali pay.
Agpapa-abagatan ti closed van truck idinto nga adda iti bangir a linya ti SUV, ket idi nadanon ti nakapasamakan ti aksidente, immagaw ti SUV iti linya ket nadungparna ti closed van isu a naidungpar met iti kongkreto nga alad.
Gapu dayta, nadunor dagiti naglugan iti SUV a naipaagas iti ospital para iti naan-anay a pannakatamingda idinto a saan a naan-ano dagiti dua a drayber.
