VIGAN CITY – Inawagan ni Philippine National Police Chief Archie Gamboa nga awan serbi dagiti dua a pulis ti Ilocos Sur a nainaig iti pannakatay ti agtawen ti sangapulo ket lima a babai idiay Brgy. Daclapan, Cabugao.
Nabigbig dagiti pulis a da Police Staff Sergeant Randy Ramos ken ni Marawi Torda nga organic personnel iti San Juan Municipal Police Station a tatta ket nakakustodiyan iti Police Regional Office 1 kagiddan iti imbestigasyon iti krimen a nakainaiganda.
Maipalagip nga acts of lasciviousness ti reklamo kontra ken ni Torda ken rape ti naipila kontra ken ni Ramos gapu iti mapapati a panangramesna iti kasinsin ti biktima.
Kabayatanna, impasigurado ti Gamboa iti seguridad ti agtawen ti sangapulo ket walo a kasinsin ti biktima a nakakustodiyan kadagiti abogadoda.
Immunan nga imbilin ni Gov. Ryan Singson ti naun-uneg nga imbestigasyon ti pannakatay ti agtawen ti sangapulo ket lima a biktima ken kiniddawna iti tulong ti National Bureau of Investigation.
Huebes idi mapasamak ti pammaltog dagiti saan pay a nabigbig a supek. Sakbay iti dayta ket napan ti biktima idiay Cabugao municipal station tapno ifollow up iti reklamo inaig iti panangmolestya ken panangrames kadakuada.
