Nairekord ti sangapulo ket siam a firecracker-related incidents iti probinsia bayat iti panangsarabo iti baro a tawen.
Iti pannaki-uman ti Bombo Radyo Vigan ken ni PLt. Col. Rogelio Remiendo Jr. a Public Information Officer iti Ilocos Sur Police Provincial Office (ISPPO), kadagiti kaso ket sangapulo ket tallo iti nairaman a nataengan idinto nga innem iti menor de edad.
Segun kenkuana, manipod kadagiti naapektaran ket sangapulo ket lima iti lallaki idinto nga uppat kadagiti babbai.
Ngem iti baet iti nairekord ket ibilangna ita a tawen a natalnaanen a panagsarabo iti baro a tawen ta manmano laeng iti kaso ken saan a nakaru iti sinagrap dagiti biktima iti paputok.
Namnamaenna nga inton sumaruno a tawen ket awanton iti mairekord wenno nabbababa iti rekord a maimaldit.
