Kinemmeg ti National Bureau of Investigation ti 15 a Chinese nationals, maysa a Malaysian ken Taiwanese a nairaman iti nadumaduma a klase ti online scamming.
Dagiti suspek a natiliwan iti nainget a cyber patrolling ken intelligence gathering ti ahensia ket naidatag ken ni NBI Director Judge Jaime B. Santiago.
Segun kenni Santiago, narekobre dagiti nadumaduma nga electronic device kas iti desktop computer, laptop, ken cellphone nga inusar ti grupo a mangbiktima.
Kinunana a karaman kadagiti modus da ket ti love scams, cryptoinvestment scams ken ti kadawyan a biktima da ket dagiti ganggannaet.
Posible a simmina dagitoy iti dakkel a POGO hub ket inaramidda ti bukodda nga operasion kalpasan ti panangiparit ti Presidente iti POGO.
Posible a sanguen dagiti suspek gapu iti panaglabsingda iti RA No. 12010 (Anti-Financial Account Scamming Act ken RA No. 10175 (Cybercrime Prevention Act of 2012).
