Sangapulo ket pito a lider ken kameng ti Abu Sayyaf Group a responsable iti pannakakidnap ti duapulo ket maysa nga indibidual manipud Sipadan Island, Malaysia idi April 2000, ti found guilty babaen ti Taguig City Regional Trial Court (RTC) Branch 153 gapu iti 21 counts a kidnapping ken serious illegal detention, segun iti Department of Justice (DOJ).
Maipalagip idi tawen 2000, a kinidnap ti Abu Sayyaf dagiti duapulo ket maysa a tattao ti maysa a resort idiay Sipadan Island, Malaysia a pakairamanan ti gangganaet manipud Germany, Finland, South Africa, Lebanon, France, siam a Malaysian, ken dua a Filipino resort workers.
Dagiti hostage ket naibiahe idiay Talipao, Sulu, ken naipanda iti makin-uneg a paset ti Jolo, Sulu.
Nagkiddaw dagiti Abu Sayyaf ti ransom manipud ti pamilya dagiti hostages ken gobierno.
Karaman kadagiti 17 nga indibidual a nasentensiaan ket dagiti high-profile individuals a nailista iti Sanctions List ti United Nations Security Council, kas kada Hilarion Del Rosario Santos III, pagaammo met kas Ahmed Islam Santos wenno Ahmed Santos, ken Redendo Cain Dellosa.
Ti UN Security Council ket in-tag-da ida nga agpada idi 2008 gapu iti pakainaiganda iti Al-Qaida, Usama bin Laden, wenno dagiti Taliban, ken gapu iti pannakairamanda iti financing, planning, facilitating, wenno panangipatungpal kadagiti aramid iti Abu Sayyaf Group, Jemaah Islamiyah, ken Rajah Solaiman Movement.
Nagyaman met ni Remulla kadagiti nadumaduma nga ahensia ti Pilipinas, pakairamanan ti National Intelligence Coordinating Agency (NICA), Philippine National Police (PNP), Armed Forces of the Philippines-Philippine Army (AFP-PA), ken Bureau of Jail Management and Penology (BJMP).
Binigbigna pay ti suporta ti gobierno ti United States iti tulongda a naited iti DOJ kadagiti tawen sakbay ti sentensia.
