Pinasingkedan ni Senador Grace Poe, chairman ti Senate Committee on Finance, nasurok a 1,600 a birth certificate dagiti ganggannaet ti nalapdan ti Philippine Statistics Authority (PSA) gapu iti peke a dokumento.
Kabayatan ti deliberasion ti national budget ti National Economic and Development Authority (NEDA) para iti 2025, impakaammo ni Poe a nangisayangkat ti PSA iti imbestigasion ket natakuatanda a dagiti naipasa ket peke a dokumento para iti birth certificates.
Naited ti nagan dagiti ganggannaet iti Bureau of Immigration, Department of Foreign Affairs, ken National Bureau of Investigation, karaman ti 18 a kaso pakairamanan ti kaso ni Guo Hua Ping, a naipatulod iti Office of the Solicitor General (OSG) para iti pannakasuspenso.
Segun pay kenni Poe nga adda 14.89 a milion a late birth certificate registrants a nakasagana manipud 2010 agingga 2014.
Gapu ta limitado ti kabaelan ti PSA a mangsukimat kadagiti late registrants, a dumanon laeng iti 0.34%, nasken a mapapigsa ti kapasidadda.
Kabayatanna, idi September adda 15 a local registrants ti karaman iti saan nga usto a panangited ti birth certificate kadagiti ganggannaet.
