16 a benepisyaryo ti impaayan ti Bantay Social Welfare and Development Office iti tulong babaen iti Assistance to Individuals in Crisis Situation Program (AICS).
Iti pannaki-uman ti Bombo Radyo Vigan ken ni Perry Costales, Municipal Social Welfare and Development Officer, umabot iti PHP50,000 ti gatad a naiwaras kadagiti benepisyaryo a nag-avail iti programa.
Kunana a dagitoy ket dagiti agkasapulan iti medical, hospitalization, ken dadduma pay.
Maidalan iti assessment dagiti ag-avail tapno makita no mano ti nasken a maited kadakuada.
Para kadagiti agpatulong kadagiti mabayadan iti ospital, masapul a maipasa ti medical certificate, promisory note, certificate of indigency, ken form.
Kadagiti met agpatulong kadagiti mabayadan iti puneraria, masapul a maipasa ti funeral contract, promisory note, death certificate, ken certificate of indigency.
Kabayatanna, dagiti agpatulong iti paggatangna iti agas ket iparangda laeng ti reseta ken medical certificate.
Masansan a maysa agingga dua a lawas ti urayen dagiti ag-avail ngem no dagiti adda iti life threatening disease ket umab-abot iti tallo a bulan ti mayuray.
