Nakemmeg ti maysa a Street Level Individual, agtawen iti tallopulo ket uppat, naasawaan, mannalon ken agnaed idiay Brgy. Maas-asin, Magsingal, maysa a drug cleared barangay.
Iti insayangkat a search warrant operation dagiti kameng ti Magsingal Municipal Police Station ket naala manipod iti suspek ti 14.5 a gramo iti mapapati a shabu nga aggatad P98,600 a naipan ti lima a transparent plastic sachets ken dua a paltog.
Karaman pay a naala manipod ti suspek ti glass tooter nga addaan shabu, improvised straw scoop, transparent plastic a naglaon ti shabu, orange wallet nga adda lace-na, uppat a lighter, maysa a cellphone, tallo a pakete iti transparent plastic sachet, maysa a transparent plastic, crumpled foil, bassit a kartib, flashlight box, homemade GA, dua nga 12 GA live ammunition, maysa a caliber .38 revolver, tallo a bala iti caliber .38 ken maysa nga eco bag.
Sumango ti suspek ti kaso a panaglabsing ti Republic Act 9165 wenno Comprehensive Dangerous Drugs Act of 2002 ken Republic Act 10591 wenno Comprehensive Firearms and Ammunition Regulation Act.
