Nalpasen ti registration period para iti official social media accounts dagiti aspirant para iti Eleksyon 2025 kadagiti nasurok 13,000 online registrations, basar iti Commission on Elections.
13,723 nga online registrations agingga idi Decemnber 13, 2024 ti naawat ti Comelec – 13,416 dagiti local aspirant ken 237 dagiti party-list organizations.
Intuding ti Comelec ti deadline para iti registration ti online campaign platforms ti December 13 ken awanen ti extension para iti deadline.
Maibasar iti Comelec Resolution No 11064, amin a kandidato, partido ken dagiti campaign team da ket nabilin nga irehistro ti amin nga official social media accounts ken pages da, websites, podcasts, blogs, vlogs, ken dadduma pay nga online ken internet-based campaign platform iti Comelec education ken information division iti uneg ti tallopulo nga aldaw kalpasan ti panagipilada iti certificates of candidacy.
Kitaen ti election force dagiti aplikasyon ken yendorsona para iti panangaprubar wenno panangibasura ti Comelec en banc.
