--Ads--
Natalged a nakasubli iti Pilipinas dagiti sangapulo ket tallo a tripulante a simmakay iti M/V MSC Sariska V a natamaan ti projectile bayat a pumanaw iti Port of Umm Qasr idiay Iraq segun ti Department of Migrant Workers (DMW).
Dagus da nga inbakwit dagiti otoridad iti Iraq kalpasan ti insidente ken simmangpet da iti Ninoy Aquino International Airport Terminal 1 babaen ti Philippine Airlines.
Pinasungadan isuda iti airport dagiti mangibagi ti DMW, Overseas Workers Welfare Administration (OWWA), medical team ti Manila International Airport Authority (MIAA), manning agency, ken New NAIA Infrastructure Corporation (NNIC).
Kalaksidan iti airport assistance, dimmalan pay dagiti seafarer iti medical evaluation ken nakaawat da ti tulong pinansyal.
-- ADVERTISEMENT --
