Nangidiaya ti Pag-IBIG Fund ti makabulan a payment moratorium kadagiti borrowers ti Housing Loan a naapektaran ti Bagyo Nando, Opong, Ramil, Tino ken Uwan karamanen ti ginggined idiay Cebu ken Davao tapno makatulong iti napaspas a panagbangon ken pannakasimpa dagiti pagtaenganda.
Napalagipan dagiti borrower a dagiti pagtaenganda ket adda insurance-na a makatulong iti magastos para iti panagsimpa.
Mabalin nga ag-apply dagiti miembro iti online babaen ti Virtual Pag-IBIG.
Malaksid dayta ket idiaya ti Pag-IBIG Fund ti Calamity Loan a mabalin nga umutang iti agingga 90% ti total Pag-IBIG Regular Savings iti nababa nga interest a 5.95% kada tawen a mabayadan iti uneg iti tallo a tawen karaman iti 3 a bulan a grace period.
Maidiaya pay ti Home Improvement Loan a mabalin a mautang iti agingga P300,000 para iti panagpasimpa wenno panangpasayaat iti pagtaengan a mabayadan ti uneg iti lima a tawen, addaan ti 3% promotional rate para iti umuna a 10,000 borrowers.
Ipakpakita ti Pag-Ibig Fund ti dedikasyonda iti panangted ti nayon a tulong, kabaelan a pautang, ken salaknib iti insurance para kadagiti Pilipino a naapektaran iti didigra.
