VIGAN CITY – Balligi iti naisayangkat idi October 3 a World Teachers’ Day celebration ti Department of Education – Vigan City Division nga idaulwan ni Schools Division Superintendent Gemma Tacuycuy a nakasangailyan ni Governor Ryan Singson.
Malaksid a nagsarita ti gobernador iti sangwanan dagiti amin a mangisursuro iti nasao a selebrasyon, nangted pay ti sangapulo ribo a pisos a cash incentive kadagiti nabigbig kas Most Oustanding Teaching and Non –teaching personnel ti Deped Vigan City Division.
Ti Most Outstanding Teacher iti secondary level ket ni Franklin Alibin ti Vigan National High School East idinto a ti met elementary level ket ni Jovilo Filart , Master Teacher 1 ti Capangpangan Elementary School.
Dagiti met Most Outstanding non-teaching personnel ti Level 1 Clerical Services ket ni Maam Ularte; ti Level 1 General Services ket ni Dennis Suero ken ti Level 2 Most Outstanding non-teaching personnel ket ni Analisa Quelnan ti SDO – Vigan City.
Kabayatanna, tatta met nga aldaw, October 4, iti selebrasyon ti World Teachers’ Day ti Deped- Ilocos Sur Division idiay Quirino Stadium.
