--Ads--
Nagkedked ni Mark Allan Arevalo, akinkukua iti Wawao Builders, a sumungbat kadagiti saludsod ti Senado mainaig iti mapapati a ghost flood control project, ket impatangkenna ti saanna a panagsarita tapno saan a mairaman iti kaso.
Ti kompania ket karaman kadagiti sangapulo ket lima a kontraktor a maim-imbestigaran, ken mapapati a nakaawat iti dakkel a paset iti P545 bilion a pondo para iti flood control.
Nadismaya dagiti senador iti panagulimekna, nangruna ta adda dagiti report a karaman ti Wawao Builders kadagiti ghost project idiay Bulacan.
Naballaagan ni Arevalo a mabalin a mapilaan iti uppat a pulo ket dua a kaso ti plunder, ngem indiaya met ti Senado ti posibilidad a saan a makasoan no itudonan dagiti dadakkel a karaman iti anomalya.
-- ADVERTISEMENT --
