Uppat a tattao iti natay idiay Spain, dua idiay France ken walo idiay Italy gapu iti agtultuloy a heat wave idiay Europa a gappuanan ti kimmaru a health alerts ken forest fires isu a naisingasing ti pannakasarra ti nuclear reactor iti maysaa Swiss power plant.
Segun ti Spanish officilas, ti wildfire idiay Catalonia ket gappuanan ti pannakatay dagiti dua a tattao ken kinuna dagiti otoridad a mainanaig iti heatwave ti pannakatay idiay Extremadura ken Cordoba.
Impakaammo met ti energy minister iti France a dua iti natay maipanggep met laeng iti kinapudot ken umabot iti tallogasut iti naospital.
Inruar iti Italy iti red alerts kadagiti sangapulo ket walo a siudad idinto nga idiay Germany ket posible nga umabot iti 40 degrees celisu iti temperatura iti nadumaduma a lugar.
Kasta pay a dua nga agtawen iti innem a pulo iti natay iti agsina nga insidente iti kabaybayan idiay Sardania gapu met laeng iti kinapudotna.
