--Ads--
Pinasingkedan iti Israel a walo a suldado iti natay iti pannakilabanda kontra Hezbollah militants idiay southern Lebanon, tallo nga aldaw kalpasan nga inrusatda ti ground operation iti nasao a pagilian.
Kinumpirmaran ti Israel Defense Force (IDF) ti pannakatay dagiti walo a suldado iti cross-border raids, ngem immuna a kinumpirmaranda a karaman a natay ni Captain Eitan Itzhak Oster, agtawen iti duapulo ket dua bayat ti rinnupak iti southern Lebanon.
Segun ti military, natay dagiti suldado iti dua nga agsina nga insidente gapu iti nakaru a dunor a sinagabada.
Nupay kasta, saanen a nangipaay dagiti otoridad iti nayon nga impormasyon iti deadly incident.
-- ADVERTISEMENT --
