--Ads--
Pinadayawan ni Vice President Sara Duterte dagiti amin a mangisursuro, doktor, nurse ken amin a frontline worker nga agserserbi iti kagimungan.
Iti mensahe ni VP Sara iti National Heroes Day ita nga aldaw, linagipna ti kinabannuar dagiti Pilipino a nangisagut iti biag ken pigsada para iti pagilian.
Kunana a mabigbig ti kinatured, ken panagkaykaysada tapno magun-od ti pagilian ti wayawaya.
Nadakamat pay ti bise presidente dagiti baro a bannuar a naulimek a mangisagsagut iti pigsa ken kinasiribda para iti padada a tao ken iti pagilian.
-- ADVERTISEMENT --
Uray dagiti Overseas Filipino Worker nga agsaksakripisio ken napudno nga agtrabtrabaho para kadagiti pamiliada.
