Nakemmeg ti maysa a radio technologist iti naiwayat a buy-bust operation idiay Barangay Dan-ar, Santiago, Ilocos Sur, maysa a drug-affected barangay.
Ti suspek ket lalaki nga agtawen iti tallopulo ket pito, maibilang nga street level individual, agnaed iti nasao a lugar.
Nakumpiskar manipud iti suspek ti nasurok-kumurang 1.7 grams ti mapapati a shabu nga aggatad iti P11,560 ken nasurok-kumurang 7 grams ti napagango a marijuana nga aggatad iti P840 ken naikabil iti 3 a heat sealed transparent plastic sachet nga isu ti nagserbi a buy-bust item ken ikotna.
Malakid dayta, nakumpiskar pay ti maysa a nakupil nga aluminum foil a naglaon iti mapapati a shabu residue, toother a naglaon iti mapapati a shabu residue, genuine P1,000 a buy-bust money, 3 a piraso a genuine one peso ken motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
