Nagpalagip ni Vice President Sara Duterte kadagiti Pilipino iti Middle East, kasaruno ti kumarkaro a tension iti rehion gapu kadagiti panagraut ti Amerika, Israel, ken Iran.
Inallukoy ni Duterte dagiti aggigyan wenno agliklikmot iti rehion nga agannadda ken suroten dagiti addang tapno mapagtalinaed ti kinatalgedda.
Karamanen ditoy ti panangliklik kadagiti lugar nga adda military operations wenno dakkel a gathering, ken panangsurot kadagiti opisial a pakdaar manipud iti lokal nga otoridad ken Ministry of Foreign Affairs ti pagilian.
Binalakadanna pay dagiti Pilipino nga agridam kadagiti damag manipud kadagiti mapagtalakan a media, pagtalinaeden ti komunikasion iti pamilia ken dagiti gayyem, ken siguradwen nga iggem dagiti napateg a dokumento ken pasaporte.
