Kinuestionaran ni Rep. Rolando Valeriano, maysa kadagiti kritiko ni Vice President Sara Duterte ti panangkiddawna ti kopia dagiti saludsod sakbay a sumango iti NBI, a mabalin a maibilang a delaying tactic.
Nagtaud pay ti espekulasion ti saan a panagatendar ni Vice President Sara Duterte iti imbestigasion ti NBI mainaig kadagiti pangtana kada Presidente Marcos, First Lady Liza Araneta Marcos, ken House Speaker Ferdinand Martin Romualdez.
Patien ti dadduma a mabalin nga ur-urayenna ti Office of the Ombudsman a mang-take over iti imbestigasion, tapno agbalin a pabor kaniana ti outcome.
Segun kenni Rep. Valeriano, nga awan ti jurisdiction ti Ombudsman ken Sandiganbayan iti nasao a kaso gapu ta saan a pakainaigan ti kurapsion.
Nagtaud ti imbestigasion ti NBI iti kontrobersial a statement ni Duterte maipapan iti panangpapatayna kadagiti tallo nga opisial no isu ti mapapatay.
Im-imbestigaran met ti House committee on good government and public accountability ti panagusar ti Bise Presidente iti confidential fund.
