Imbutaktak ni Vice President Sara Duterte a madanagan latta ti amana a ni dati a Presidente Rodrigo Duterte, iti kumarkaro a korapsion iti pagilian uray naibalud idiay The Hague, Netherlands.
Segun ken ni VP Sara, agur-urayda iti dua a decision manipud iti ICC: ti karit iti hurisdiksion iti kaso ti drug war, ken ti kiddawda a temporaryo a mawaya-wayaan ni Duterte iti maysa a third-party country.
Naisanud ti naituding a hearing inton Setyembre 23 kalpasan ti panangipaganetget ti abogado ni Duterte a saan a fit a sumango iti trial gapu iti kumapkapsut a memorya ken salun-atna.
Imbingay pay ni Sara a maragsakan ti dati a presidente iti panagbisita ti dati nga asawana a ni Elizabeth Zimmerman, nga agtalinaed a naurnos ti langen-langenda uray no annulled ti kasardan.
