Kwinestyonaran ni Senador Imee Marcos ti Executive Order No. 116 a nangpalawa ti importasion ti baboy iti pagilian babaen ti panagngato ti Minimum Access Volume (MAV) manipud 54,210 metric tons a napan iti 204,210 metric tons.
Seguin iti gobierno, gagem ti addang tapno masuposopan ti suplay ti baboy lumaka ti presio iti merkado iti tengnga ti inflation.
Segun ken ni senador Marcos, saan a naan-anay ti pagbasaran iti nadakamat a polisiya.
Impunto na a saan a kurang ti suplay iti problema iti lokal nga industriya ti baboy ngem ti epekto ti nalawa nga importasion.
Nagpanawagan ni Marcos iti gobierno nga ibabawi ti EO 116 ken ipokus ti atension iti panangpapigsa ti lokal nga industriya ti baboy babaen ti repopulation program, biosecurity kontra iti ASF, ken nalawlawa a suporta kas ti panagpautang, insurance, ken direkta nga ayuda kadagiti hog raisers.
