Saan a nagpakita ni Vice President Sara Duterte iti Quezon City Regional Trial Court kalpasan a nagiruar ti warrant of arrest kontra kenkuana mainaig ti tallo a bilang ti grave threats.
Inruar ti korte ti warrant kalpasan a nakitaan ti probable cause tapno denggen ti bise presidente iti nadakamat a kaso.
Nagsagana dagiti otoridad iti posible a panagsangpet ni VP Sara iti korte ken nangikabil da iti maipagarup a mugshots backdrop iti uneg ti korte no kas bilang sumangpet ni Duterte para iti pannaka-aresto na.
Nupay kasta, saan a boluntario a napan ni Duterte iti korte agingga alas-6 ti rabii idi kalman, Setyembre 4.
Kabayatanna, pinasingkedan ni Atty. Paul Lawrence Lim, abogado ti bise presidente, awan ti ti intension ni VP Sara a lumiklik iti linteg ken aramaten na ti amin a legal a remedyo.
Maipalagip a nangrugi ti kaso kalpasan nga imbaga ni Duterte nga adda ti nakapatang nan a maysa a tao a mangpatay kada Presidente Ferdinand Marcos Jr., First Lady Liza Araneta-Marcos, ken former House Speaker Martin Romualdez no kas bilang mapatay isuna.
