--Ads--
Itantandudo ni Presidente Ferdinand Marcos Jr. ti pannakapapigsa ti kooperasion ti Association of Southeast Asian Nations (ASEAN) tapno agtalinaed a makabael ti presio ti petrolyo, kuryente ken taraon.
Impaganetgetna iti leaders’ retreat ti maika-49 nga ASEAN Summit ti pannakapalawa ti koneksion ti enerhia, ti panagsapul kadagiti alternatibo a gubuayan ken ti pannakapapartak ti pannakausar ti renewable energy.
Innayon ti presidente a ti panagngato ti presio ti petrolyo ken kuryente ket mangapektar iti gastos iti taraon, operasion ti negosio ken ti panagbiag dagiti Pilipino.
Itantandudo pay ti Pilipinas ti ASEAN power grid tapno masigurado ti nataltalged ken mapagtalkan a suplay ti enerhia iti rehion.
-- ADVERTISEMENT --
