Nagpanawagan ni Vice President Sara Duterte kadagiti Pilipino a makipaset kadagiti aktibidad tapno masigurado ti kinatalged kadagiti pagtaengan, pagadalan ken ti kagimungan kontra kadagiti uram kagiddan iti Fire Prevention Month ita a bulan.
Nangiruar ni VP Sara iti video message kas panangsuporta iti Bureau of Fire Protection ken dagiti fire volunteer iti panangsalwad iti biag ken sanikua.
Segun ken ni VP Sara, numan pay mangitunda ti uram iti nakaro a peggad, mabalin a maliklikan babaen iti husto a pannakaammo ken kinasagana.
Nagpanawagan pay ti bise presidente nga iraman ti safety education kadagiti pagadalan, pagtaengan ken trabahota kunana a kada Pilipino ket responsibilidadna ti mangammo, agridam ken makipaset iti fire safety drills iti komunidadda.
