Kagiddan ti pannakarambak ti Feast of the Immaculate Conception, nagpanawagan ni Vice President Sara Duterte kadagiti Katoliko nga agpammati nga ipaay ti ayat ken kinatulnog iti sabali a tao, kasta payen nga ipakita ti asi kadagiti sumangsango iti kinaawan hustisia.
Segun ken ni Duterte, nasken nga ibiag dagiti Pilipino a Katoliko ti bileg ti kinaasi ken kinamanagparabor ti Birhen Maria.
Ti pannakarambak ti Piesta ni Immaculada Conception ket nagtaud iti Papal Encyclical Inefabbilis Deus nga inted ni Pope Piux IX idi December 8, 1854 a pormal a nabigbig kas dogma ti Immaculada Conception.
Maysa a holy day of obligation para kadagiti Romano Katoliko ken special non-working holiday iti pagilian, kas sagudayen ti Republic Act No 10966 a pinermaan ni dati a Presidente Rodrigo Duterte idi 2017.
