Nagmensahe ni Vice President Sara Duterte para iti Muslim Community kas pannakikaysana iti Ramadan ita nga aldaw.
Iti video message, inallukoy ti bise presidente dagiti Muslim nga iraman iti kararagda ti kappia ken panagpakawan saan laeng a para iti personal a biagda no di ket uray iti pagilian.
Innayonna pay nga ita ti panawen tapno amirisen ti kinapateg ti panagsakripisyoda.
Malaksid dayta, nagsentro pay iti ‘asi, kapia, ken bendisyon’ para kadagiti kabsat a Muslim iti intero a pagilian ti nagbalin a mensahe ni VP Sara.
Kabayatanna, nangrugi ti Ramadan ita nga aldaw kas maisurot iti waragawag ti Saudi Arabia, nga isu ti pannakasentro ti Islam babaen iti panangidadaulo ti Bangsamoro Grand Mufti ken Executive Director ti Bangsamoro Darul-Ifta, Sheikh Abdulrauf Guialani.
Iti daytoy a panawen ket ag-reflect ti Muslim community ken paset iti tradisyonda ti ag-fasting kas wagas iti inda panagkararag.
