Nangipila ni senador Francis Pangilinan iti gakat a mangipasdek ti napalawa a voucher program para kadagiti estudyante ti pribado a pagadalan manipud iti low income ken middle-income households.
Iti salinong ti Senate Bill No. 1841 wenno naawagan ti “Private Education Voucher Expansions (PEVE) Act”, gagem a palawaen ti sakop ti tulong pinansyal para kadagiti unprivileged nga estudyante manipud iti kindergarten agingga senior high school a mapilitan a sumrek iti pribado a pagadalan gapu ti kinakurang ti pasilidad iti pampubliko a pagadalan.
Nakaipalaon pay iti gakat ti panang-amyendar wenno panagibasura kadagiti sumagmamano a probision ti Republic Act No. 8545 wenno ti Expanded Government Assistance to Students and Teachers in Private Education Act.
Maipalagip nga immuna a nangirusat ti DepEd ti classroom leasing initiative kas temporario a solusion iti overcrowding kadagiti pampubliko a pagadalan.
