Kinemmeg ti Philippine National Police ti vlogger a ni Norman Mangusin wenno alyas Francis Leo Marcos, segun iti National Police Commission.
Kinumpirmaran ni National Police Commission (NAPOLCOM) Commissioner, Vice Chairperson and Executive Officer Atty. Rafael Vicente Calinisan nakemmeg ni Mangusin iti maysa nga hotel idiay Parañaque babaen ti bileg ti warrant of arrest manipud iti Regional Trial Court Branch 294 ti siudad.
Agdama nga adda iti kustodiya ti CIDG NCR ni Mangusin a naikeddeng a bisitaen ni Calinisan ita nga aldaw.
Saan pay a nadakamat no ania a kaso ti sangoen ti Mangusin.
Maipalagip a ti vlogger ket nagusar ti saan nga otorisado a panag-suot ti uniporme ti pulis, maysa a nalawag a panaglabsing iti Article 179 wenno ti Illegal use of Uniforms wenno Insignia.
