Umaboten ti utang iti gobierno iti Pilipinas iti P18.55 trillion iti panagtapos iti Mayo 2026 kas pinasingkedan ti Bureau of Treasury (BTr).
Ngimmato dayta iti 0.41% wenno nayon a P76.1 billion no yarig iti P18.47 trillion a nairekord iti agtapos iti Abril 2026.
Ti kangrunaan a rason iti panagado ti utang ket gapu iti agresibo a pannakaisayangkat ti domestic borrowings wenno panagiruar dagiti government securities tapno pondoan dagiti programa iti baet ti agbaliw-baliw a garaw iti merkado gapu iti tensyon idiay Middle East.
Kaadoan nga utang iti pagilian wenno nasurok-kumurang 68% agingga 70% ket domestic wenno naggapu iti uneg ti pagilian kas kadagiti lokal a bangko ken panagpuonan, idinto a ti nabatbati ket external wenno utang iti sabali a pagilian.
No man pay agtultuloy a ngumat-ngato ti utang ken manamnama nga aglabes iti P19 trillion iti panagtapositi 2026, ket impaganetget ti Bureau of Treasury a kabaelan a mabayadan wenno manageable gapu iti panagregta iti ekonomia.
