--Ads--
Ngimmato iti $154.93 billion ti outstanding debt ti Pilipinas iti katapusan ti Hunyo, 5.1 percent a nangatngato no yarig iti $147.35 billion idi katapusan ti Marso.
Segun iti Bangko Sentral ng Pilipinas, kangrunaan a rason ket dagiti baro a panagutang ti gobierno ken pribado a domestic banks.
Gapu dayta, ngimmato iti 31.6 percent ti gross domestic product ti external debt manipud iti 30 percent idi napalabas a quarter.
Pinasingkedan ti BSP nga agtaltalinaed a manageable ti foreign debt position ti pagilian ta makanay ti $104.74 billion a gross international reserves tapno mataming dagiti near-term external obligations.
-- ADVERTISEMENT --
