Pinasingkedan ni President Donald Trump nga ikonsiderarna iti panangbomba manen iti Iran nu itultuloy iti Tehran ti panangpasayaatda ti uranium a dumanonen a pakariribokan iti Amerika.
Segun ken ni Trump, siguradoenna dayta uray awan ti saludsod ket aramidenna latta.
Bayat ti White House news conference, plano ni Trump a sumungbat ti komento ni Supreme Leader Ali Khamanei iti Iran a nangibaga a ti Iran ket tinungpada iti Amerika babaen ti panangirusat ti panagatake kontra iti maysa a kangrunaan a US base idiay Qatar kasaruno ti panangbomba iti Amerika ti nuclear sites-da.
Kinuna ni Trump a kayatna dagiti inspector manipod International Atomic Energy Agency wenno sabali pay a respected source iti ag-inspect iti nuclear sites iti Iran kalpasan a nabomba idi weekend.
Patien ni Trump a dagiti site ket obliterated wenno napukawen.
