Impakaammo ni US President Donald Trump a mangipatungpal iti tallopulo a porsiento a taripa kontra iti European Union ken Mexico manipod inton August 1, 2025.
Ti addang ket paset iti nalawlawa a kampania ni Trump a gagem a biagen ti ekonomia iti Amerika babaen ti nainget a reporma iti trade.
Segun ken ni Trump, nabayagen a malamlamangan iti Amerika dagiti dadduma a pagilian maipanggep ti trade ken ti gakat a taripa iti maysa nga addang tapno mailinteg dayta.
Iti suratna iti lider iti Mexico, nagyaman ni Trump iti tulongda a nanglapped iti sumsumrek nga undocumented migrant ken tentanyl idiay Amerika ngem saan nga umanay dayta tapno lapdanna iti North America iti panagbalin a maysa a Narco-Trafficking Playground.
Iti surat met nga impatulodna iti European Union ket kinunana a dumakdakkel ti trade deficit iti Amerika iti rehiyon ket maibilang a pangta dayta iti national security.
Ti gakat a taripa ket manamnama nga agresulta ti tensyon iti biang ti trade iti Amerika kadagiti dua a kaalyadona.
