Uppat a dadakkel a manufacturer ti in-raid ti Bureau of Internal Revenue (BIR) idiay Clark, Pampanga babaen ti nainget a kampaniada kontra iti illegal a sigarilio.
Iti report ni BIR Commissioner Romeo Lumagui Jr., naggigiddan nga in-raid ti BIR ti uppat a dadakkel nga illegal factory ti sigarilio nga immabot iti ₱8-billion nga initial a nailatang a tax liability.
Segun iti BIR, daytoy ti kadakkelan nga operasion kontra iti illegal a sigarilio basar iti pakabuklan a saan pay nabayadan a buis.
Inyunay-unay ni Comm. Lumagui, agtultuloy ti panangsurot ti BIR kadagiti amin a nairaman iti illicit cigarettes, bassit man a smugglers wenno large-scale manufacturers.
Posible a maipasango dagiti uppat a manufacturers iti National Internal Revenue Code (NIRC).
