VIGAN CITY – Uppat a baro a kaso ti coronavirus disease 2019 iti nairekord ti Department of Health isu a sangapulon iti bilang dagiti kumpirmado a kaso ti COVID- 19 ditoy pagilian.
Segun ti DOH, natest dagiti sample specimen dagiti baro a kaso idi March 7 ket idi kalman a naamuan iti resulta na ket napaneknekan a positibo da ti virus.
Ti maikapito a kaso ket maysa a lalaki a Taiwanese nga agtawen ti tallo pulo ket walo nga addaan iti contact history kadagiti kapadana a Taiwanese a bimmisita ditoy pagilian a nagpositibo ti COVID- 19 idiay Taiwan ken awan iti travel history na iti ruar ti pagilian ket nangrugi a narikna na dagiti sintomas idi March 3.
Maysa a lalaki a Pilipino nga agtawen ti tallo pulo ket dua a napan nagbakasyon ti 14-days idiay Japan iti maika-walo a kaso ken nangrugi a nakarikna kadagiti sintomas idi ti COVID- 19 idi March 5.
Ti Maika-siam a kaso ket agtawen walo pulo ket innem nga Amerikano adda ti hypertension ken travel history idiay Amerika ken South Korea nga idi March 1 a nangrugi a nakarikna kadagiti sintomas ti COVID- 19.
Idinto a ti maika-sangapulo a kaso ti COVID ditoy pagilian ket maysa a Pilipino a lalaki nga awan iti travel history na kadagiti pagilian nga apektado ti nasao a sakit ken mapapati a nakapulapol na ti maysa a Pilipino nga adda COVID na ngem manarimaan pay laeng nga im-imbestigaran ti DOH iti nasao a banag.
