--Ads--
Binabalaw ni Vice President Sara Duterte ti gandat a panangiserbi iti arrest warrant manipud International Criminal Court kontra ken ni Senador Ronald ‘Bato’ Dela Rosa.
Segun ken ni VP Sara, ti warrant manipud iti ruar ti pagilian ket nasken nga iparang pay iti lokal a korte iti Pilipinas.
Innayonna a saan a husto ti nagbalin nga addang kontra iti Senador nga inyarigna iti pannakakemmeg iti amana sakbay a naipan idiay The Hague.
Kabayatanna, saan met a nagkomento ti bise presidente iti panagbaliw ti liderato ti Senado, ket kunana a ti nasao a patangan ket bukod a desision dagiti senador.
-- ADVERTISEMENT --
