Kinontra ni dati a Senador Antonio Trillanes IV ti imbaga ni Sen. Ronald ‘Bato’ Dela Rosa a karaman isuna kadagiti nang-harass kenkuana iti Senado.
Dayta ket kabayatan ti isasangpet ti Dela Rosa iti Senado idi kalman tapno makabotos iti panagsukat ti liderato ti upper chamber.
Iti pannaki-uman ti Bombo Radyo Vigan ken ni Trillanes, saan a pudno ti pammabasul ta adda laeng isuna iti session hall tapno imatangan ti pannakakemmeg ti senador.
Linagip pay ni Trillanes ti panangkarit kenkuana idi ni Dela Rosa a sumurot iti arresting team no bilang makemmeg, ket kunana a natured idi ngem arigna mabuteng itan.
Ni Dela Rosa ket maysa kadagiti maikonkonektar iti International Criminal Court investigation mainaig iti kaso a crimes against humanity kontra ken ni dati a Presidente Rodrigo Duterte, gapu iti panagbalinna idi a hepe ti Philippine National Police kabayatan ti pannakaipatungpal ti war on drugs.
