VIGAN CITY – Kaso a panaglabsing ti illegal possession of firearms and ammunition act ti sanguwen ti maysa a lalaki a nagprobokar ken naalaan iti paltog dagiti otoridad idiay San Juan.
Nabigbig ti suspek a ni Emerson Torda, agtawen ti tallo pulo ket tallo, maysa a mannalon ken agnaed idiay Brgy. Lapting, San Juan gapu.
Segun ken ni Police Capt. Benjamin Raquedan, hepe ti San Juan municipal police station, agprobprobokar ti suspek a ni Emerson ta nabartek ket ginandat na a paltugan ti kabsat na a ni Joan Torda ta nagriri da.
Naanawa ti suspek babaen kadagiti nagresponde a pannakabagi ti linteg ket naala iti pagtaenganna ti maysa a 12-gauge homemade shotgun nga adda iti balana nga ita ket ikoten ti San Juan PNP para iti proper disposition karaman ti suspek.
